سبەینی کۆتایئ ئەو وادەیە بو دۆناڵد ترەمپ سەرۆکی ئەمەریکا بۆ تیکتۆکی دانابو، ئەمڕۆ  ڕایگەیاند فەرمانێک واژۆ دەکات تاوەکو تیکتۆک بۆ ماوەی 75 ڕۆژی دیکە لە ئەمەریکادا کار بکات و دەشڵێت؛ ئیدارەکەی بە زەحمەت کاری کردوە بۆ  ڕزگارکردنی تیکتۆک و  پێشکەوتنی گەورەیان بەدەستهێناوە.

هەواڵ:KNNC


ئاژانسی ئەسۆشیەیتد پرێسی ئەمەریکی بڵاویکردوەتەوە؛ ترەمپ بەردەوامە لە هەوڵدان بۆ ڕزگارکردنی تیکتۆک و جارێکی دیکەش ماوەی کارکردنی لە ئەمەریکادا درێژ کردەوە، تاوەکو  کاتێکی زیاتر بدات بە ئیدارەکەی بۆ ئەوەی گرێبەستێک بکەن و تیکتۆک لەلایەن ئەمەریکاوە خاوەندارێتی بکرێت.


پێشوتر کۆنگرێس بە  پاساوی مەترسی لەسەر ئاسایشی نیشتمانی، فەرمانی دابو پلاتفۆرمە چینییەکە یاخود لەلایەن ئەمەریکاوە بکڕدرێتەوە یان قەدەغە بکرێت، بەڵام ترەمپ تاکلایەنە هەنگاوی نا بۆ درێژکردنەوەی وادەی کارکردن  و سبەینی کۆتاییی ئەو وادەیەیە و ئەمڕۆش ماوەی کارکردنەکەی بۆ جاری دوەم درێژ کردەوە.

گەر چی ترەمپ لە هەوڵدایە پلاتفۆڕمەکە بکڕێتەوە لە ڕێگەی چەند بازرگانێکی ئەمەریکییەوە، بەڵام کۆمپانیای ByteDanceی چین کە خاوەنی تیکتۆکە بەردەوام پێداگری لەسەر ئەوە دەکات کە پلاتفۆرمەکە بۆ فرۆشتن نییە.

لای خۆیەوە ترەمپ لە پلاتفۆرمی سۆشیال میدیای خۆیدا نوسیویەتی: "ئیدارەکەم زۆر بە زەحمەت کاریان لەسەر گرێبەستێک کردوە بۆ ڕزگارکردنی تیکتۆک، پێشکەوتنی گەورەمان بەدەستهێناوە".

وتوشیەتی "گرێبەستەکە پێویستی بە کاری زیاترە بۆ دڵنیابون لە واژۆکردنی هەمو ڕەزامەندییە پێویستەکان، هەر بۆیە من فەرمانی جێبەجێکردن واژۆ دەکەم بۆ ئەوەی تیکتۆک ماوەی کارکردنی بۆ 75 ڕۆژی دیکە درێژ بکڕێتەوە.