سەرۆک وەزیرانی ئیسرائیل بەنیازە پلانی کۆچ لە غەززە جێبەجێ بكات و جەختیش دەكاتەوە كە حەماس  چەکەکانیان دادەنێن و پلانەكەی سەرۆكی ئەمەریكا جێبەجێ دەكەن.

هەواڵ: (KNNC)


ئەمڕۆ یەكشەممە، بنیامین ناتانیاهۆ، سەرۆک وەزیرانی ئیسرائیل رایگەیاند: بەنیازن پلانی کۆچ لە كەرتی غەززە جێبەجێ بكەن و بزوتنەوەی حەماسیش چەكەكانیان دادەنێن و سوپای وڵاتەكەی رێگە دەدات كە بەرپرسانی ئەو حزبە كەرتەكە بەجێبهێڵن.


وتیشی: فشارە سەربازییەكانی ئیسرائیل كاریگەیی خۆی هەیە، چونكە توانا سەربازییەكانی حەماسی لاواز كردوە و لەلایەكی دیكەشەوە هەلومەرجی پێویست بۆ ئازادکردنی بارمتەکان دەخوڵقێنێت.


سەرۆک وەزیرانی ئیسرائیل ئاماژەی بۆ ئەوەشكردوە، دوێنی شەممە، ئەنجومەنی وەزیران کۆبوەتەوە و  بڕیاردراوە كە فشارەكانی سەر بزوتنەوەی حەماس زیاتر بكات ئەوەش بەئامانجی رەخساندنی باشترین هەلومەرج بۆ ئازادکردنی بارمتەکان.