دۆناڵد ترەمپ، سەرۆکی ئەمریکا، جارێکی دیکە هۆشداری دایە حوسییەکان و ئێران و رایگەیاند، ئازاری قورس بۆیان بەڕێوەیە ئەگەر حوسییەکان دەستبەرداری هێرشەکانیان نەبن.

هەواڵ:KNNC

دۆناڵد ترەمپ، سەرۆکی ئەمریکا لە پۆستێکدا کە لە پێگەی تایبەتی خۆی لە تۆڕی کۆمەڵایەتیی "تروس سۆشیال" بڵاویکردەوە و هۆشداریدایە حوسیەکان ئەگەر هێرشەکانیان بۆ سەر کەشتییەکان لە دەریای سور ڕانەگرن هێڕشی بێوێنە دەکەنە سەریان.

ترەمپ هەڕەشەی توندیشی کرد و وتی، "ئەوەی تا ئێستا لە دژی ئەوان و ئێران کردویانە سەرەتایە و ئازاری قورس بۆیان بەڕێوەیە.

ماوەی زیاتر لە هەفتەیەکە، ئەمریکا راستەوخۆ بەچڕی پێگەی حوسییەکانی یەمەن دەکاتە ئامانج و لە دوایین هێرشیشدا زیاتر لە 13 ناوچەی یەمەن بۆردومانکرا.

هاوکات، ئەمریکا ئێران تۆمەتبار دەکات بە هاوکاریکردنی حوسیەکان و ترەمپ چەندین جار هۆشداری داوەتە ئێران ئەگەر کۆتایی بە پاڵپشتیەکانی لە هێزە چەکدارەکانی ناوچەکە نەهێنێت بۆردومان دەکرێت.