عێراق جەخت لەسەر هەماهەنگی لەگەڵ وڵاتانی جیهانی ئیسلامی دەكاتەوە و هەڕەشەکانی سەر کۆماری ئیسلامی ئێران رەتدەکاتەوە.

هەواڵ: (KNNC)

نوسینگەی راگەیاندنی سەرۆك وەزیرانی عێراق بڵاویكردەوە، ئەمڕۆ سێشەممە و بەبۆنەی هاتنەوەی جەژنی رەمەزانەوە بەمەبەستی پیرۆزبایی لێكردنی، محەمەد شەیاع سوانی پەیوەندییەكی تەلەفۆنی لەلایەن مەسعود پزیشكیان، سەرۆك كۆماری ئێرانەوە پێگەیشت، سودانی جەختیكردەوە كە؛ عێراق هەماهەنگی لەگەڵ وڵاتانی جیهانی ئیسلامی دەكات، وتوشیەتی: لەپێناو بەدیهێنانی ئاسایش و سەقامگیری بۆ هەمو وڵاتانی ئیسلامی عێراق روبەڕوی ئاستەنگ و مەترسییەکان دەبێتەوە.

ئاماژەی بۆ ئەوەشكردوە، عێراق هەڕەشەکانی سەر کۆماری ئیسلامی ئێران رەتدەکاتەوە و پابەندبونی بە ئاسایش و سەقامگیریی دوپاتکردەوە.

نوسینگەی راگەیاندنی سەرۆك وەزیرانی عێراق ئەوەیخستوەتەڕو، هەردولا جەختیان کردەوە كە؛ لەپێناو بەرژەوەندی بەغداد و تاران و بەهێزكردنی پەیوەندی نێوان هەردو وڵات، هاوكاریكردنی دولایەنە لە بواری جیاوازەكاندا بەردەوام بێت.