وەزارەتی بازرگانی عێراق ئاشكرایدەكات، لەسەر بنەمای ئەو پێشنیازەی لەلایەن ئەنجومەنی وەزاری ئابوری فیدراڵ خراوەتەڕو، میكانیزمی نوێ بۆ سنورداركردن و هاوردەكردنی ئۆتۆمبێل دەگیرێتەبەر.


هەواڵ: (KNNC)


محەمەد حەنون، وتەبێژی وەزارەتی بازرگانیی عێراق بەمیدیای فەرمی حكومەتی رایگەیاند: لەسەر  بنەمای پێشنیازی ئەنجومەنی وەزاری ئابوری كە خراوەتەڕو، بڕیار وایە بەم نزیکانە میکانیزمێکی نوێ بۆ رێکخستن و سنورداکردنی ئاستی هاوردەکردنی ئۆتۆمبێل لە عێراق جێبەجێ بكرێت.


وتوشیەتی: مەبەستی جێبەجێکردنی میکانیزمەکە هەماهەنگی لە نێوان وەزارەتی بازرگانیی عێراق، بەڕێوەبەرایەتیی گشتیی هاتوچۆ، وەزارەتی دارایی و بەڕێوەبەرایەتیی گومرگەکان دەکرێت و پێشبینی دەکەن لە ماوەکانی داهاتودا هەنگاوی جدی بۆ جێبەجێکردنی بنرێت.


وتەبێژی وەزارەتی بازرگانیی عێراق ئاماژەی بۆ ئەوەشكردوە كە؛ وەزارەتەكەی چاوەڕێی رێنماییەكانی حكومەتە بۆ جێبەجێكرددنی بەشێوەیەكی فەرمی كە میکانیزمە نوێكە کاریگەری لەسەر کۆنترۆڵکردنی بازاڕی ئۆتۆمبێل و کەمکردنەوەی قەرەباڵغی شەقامەكان دەبێت.