وەزیری دەرەوەی ئۆكرانیا ئاشكرایدەكات؛ بۆ رێككەوتن لەسەر رەشنوسی كانزاكان و سامانە سروشتییەكان، كیێڤ و واشنتۆن كار بۆ رێككەوتنێك دەكەن كە رەزامەندی هەردولای لەسەر بێت.

هەواڵ: (KNNC)


ئاندری سێپیها، وەزیری دەرەوەی ئۆکرانیا رایگەیاند: بەمەبەستی گەیشتن بەرەشنوسێكی كانزا و سامانە سروشتییەكانی وڵاتەكەی كە لەلایەن هەردولاوە رەزامەندی لەسەر بدرێت، كیێڤ و واشنتۆن كاردەكەن، هەردولایەن جەختیان كردوەتەوە كە دەبێت رەشنوسە نوێكە ئابوری ئەمەریکا لە ئۆکرانیا بەهێزبكات و  بەشدار دەبێت لە ژێرخانی ئەمنی وڵاتەکەدا.

وتیشی: لەگەڵ هاوکارە ئەمریکییەکانیان کاردەکەن و پرۆسەكە بەردەوام تا گەیشتن بە میكانیزمێكی گونجا و هەرو وڵات رەمەزامەندی لەسەردەدەن، پاشان گرێبەستەكە ئەنجام دەدەن.

لێدوانەكەی وەزیری دەرەوەی ئۆكرانیا لەكاتێكدایە كە پێشتر دۆناڵد ترەمپ، سەرۆکی ئەمەریکا رایگەیاندبو: سەرۆکی ئۆکرانیا دەیەوێت لە ڕێککەوتنەکە پاشگەزبێتەوە، هۆشداریشیدا لەوەی کە زێلێنسکی روبەڕوی دەرئەنجامە سەختەكان دەبێتەوە.

رۆژی هەینی، سەرۆكی ئۆكرانیا ئلماژەی بۆ ئەوەكرد؛ وڵاتەكەی بەهیچ شێوەیەك لەسەر ئەو رەشنوسە كە دەستكاری كراوە رێككەوتن ناكات، چونكە دەبێتە هۆی دروخستنەوەی ئۆكرانیا لە یەكێتی ئەوروپا.