د. کامەران رەسوڵ ژاژڵەیی، پزیشکی پسپۆڕی زانستی خۆراک دەڵێت: گللوتین جۆرێک لە پرۆتین کە لە ناو گەنم و هەندێک دانەوێلەی دیکەدا هەیە و زیاتر لە 6٪ـی مرۆڤەکان لەکاتی خواردنی خۆراکێک کە ئەو ماددەیەی تێدا بێت، توشی کۆمەڵێک نیشانەی جیاواز دەبنەوە و حاڵەتەکە تەواو جیاوازە لە نەخۆشی گەنم.

نیشانەکانی ئەمانەن:

 
- سکچون یان قه‌بزی به‌رده‌وام له‌گه‌ڵ پیسایی بۆن زۆر ناخۆش و گۆڕانی ڕه‌نگی پیسایی
ــ ئاوسانی سک و ئازاری ناوسک
ــ دڵ تێک هه‌ڵهاتن و ڕشانه‌وه‌
ــ سه‌رئێشه‌ و بێهێزی به‌رده‌وام
ــ که‌می کێش و لاوازی
ــ که‌می ته‌رکیز له‌ مناڵان ( ADH)
دەشڵێت: ئه‌م نه‌خۆشیه‌ به‌ زۆری له‌ مناڵان دا هه‌یه‌ و که‌متر له‌ سه‌رو هه‌ژده‌ ساڵدا باوه‌

بەگشتی، هیچ شیکارێکی تاقیگە نیە کە ئەم حاڵەتە  دەست نیشان بکات و دەست نیشان کردنی پشت دەبەستێت بە مێژووی نەخۆش و نیشانەکانی، بەڵام له‌ کاتی بوونی ئه‌م نیشانانه‌ پاش خواردنی مادده‌ی گلوتین پێویسته‌  شیکاری خوێن و پیسایی و حه‌ساسیه‌ت و هه‌ناوبینینی پێویست ئه‌نجام بدرێت تا دڵنیا بیبن کە نه‌خۆشی گه‌نمی واتە  سیلیاکی نیە.

هەروەها، هیچ چارەسەرێک یان دەرمانێک نیە بۆ چارەسەرکردن یان نەهێشتن یان کەمکردنەوەی نیشانەکانی و تەنها دەبێت کەسەکە دوربکەوێتەوە لە نەخواردنی ئه‌و خۆراکانه‌ی ماده‌ی گلوتینیان تێدایه‌ کە ئەوانیش بریتین لە ئاردی گه‌نم و جۆ و هەندێ دانەوێڵەی تر ،  ساوه‌ر، گه‌نمه‌گوتاو، مه‌عکه‌رۆنه‌، پاستا، ئیندۆمی، شه‌عریه‌ ، کێک ، ئیشی هه‌ویر.

پێویستە زیاتر گرنگی بدرێت بە خواردنی برنج و گەنمه‌شامی و پاقله‌مه‌نیه‌کان و چه‌ره‌سات، زۆر خواردنی سه‌وزه‌ و میوه‌ و بەکارهێنانی ته‌واوکه‌ره‌ خۆراکیه‌کان.