خولی چوارەمى هەڵبژاردنە ناوخۆییەکانی بزوتنەوەی گۆڕان دەستیپێکرد و لیژنەیەکی بێلایەن سەرپەرشتی پرۆسەکە دەکات.

ئەمڕۆ یەکشەممە،  قۆناغى یەکەمى پرۆسەى هەڵبژاردنە ناوخۆییەکانى بزوتنەوەى گۆڕان لە قەزاى ماوەت بەڕێوەدەچێت و هەڵبژاردن بۆ  دەستەى بەڕێوەبەرى بازنە و رایەڵەکان و هەڵبژاردنى نوێنەرانى دووەمین کۆنفرانسى نیشتیمانى بزوتنەوەى گۆڕان ئەنجامدەدرێت.

قۆناغى دووەمى هەڵبژاردنەکە، هەڵبژاردنى دەستەى بەڕێوەبەرى ئەنجومەنى قەزاکانە و لە دواى قۆناغى یەکەم ئەنجام دەدرێت.

بەپێى راگەیەنراوى ژورى هەڵبژاردنى بزوتنەوەى گۆران، سەرجەم پرۆسەی هەڵبژاردنەکە لەلایەن لیژنەی سەرپەرشتیاری بێلایەنەوە سەرپەرشتی دەکرێت.

فۆتۆ/ بریار نامیق