وەزارەتی دارایی و ئابوری حکومەتی هەرێم رایگەیاند، موچەی مانگی نیسانی هێزەکانی پێشمەرگە و دام و دەزگا ئەمنییەکان دابەشدەکرێت.

هەواڵ:KNNC

لە راگەیەنراوێکی وەزارەتی دارایی و ئابوری هەرێمدا هاتوە، کەمێک لەمەوبەر، بڕی( 344 ملیار و 875 ملیۆن دینار)، وەک شایستەی موچەی مانگی نیسانی هێزەکانی پێشمەرگە و دام و دەزگا ئەمنییەکان خرایە سەر هەژماری بانکی وەزارەکەتە.

ئاماژە بەوەشکراوە، ئەمڕۆ دوشەممە (10/6/2024)،دەست بە دابەشکردنی موچەی مانگی نیسانی هێزەکانی پێشمەرگە و دام و دەزگا ئەمنییەکان دەکرێت.

بەپێی خشتەکەی وەزارەتی دارایی و ئابوری هەرێم، لەماوەی دو رۆژدا موچەی هێزە ئەمنییەکان دابەشدەکرێت.