150 ملیار دینار لە پارەی گەنمی جوتیاران خرایەسەر هەژماری وەزارەتی دارایی و ئابوری هەرێم، بەڕێوەبەری سایلۆکانی سلێمانیش دەڵێت: رۆژی یەکشەممە جوتیاران دەتوانن بچن لە بانکەکان شایستەکانیان وەربگرن.

ئابوری:KNNC

سەرچاوەیەک لە وەزارەتی بازرگانی هەرێم بە کەی ئێن ئێنی ڕاگەیاند, گوژمەی یەکەم لە 500 ملیار دینارەکەی جوتیارانی هەرێم خراوەتە سەر هەژماری وەزارەتی دارایی و ئابوری هەرێم کە بڕەکەی 150 ملیار دینارە و بۆ پاریزگاکانی هەولێر و سلێمانی و دهۆکە.

هاوکات، نەسرین ئەحمەد بەڕێوەبەری سایلۆکانی سلێمانی بە KNNی راگەیاند، لەو 150 ملیار دینارە 67 ملیار و 84 ملیۆن دیناری بۆ جوتیارانی سنوری پارێزگای سلێمانیە.

وتیشی: لەئێستادا سەرقاڵی حەواڵەکردنی چەکی پارەکەن و لەم هەفتەیەدا پارەکەیان بەدەست دەگات و رۆژی یەکشەممە جوتیاران دەتوانن بچن لە بانکەکان شایستە داراییەکانی ئەمساڵیان وەربگرن.

راشیگەیاند، لەگەڵ بەغداد لەسەر هێڵن و پێیان وتراوە کە لەدوای گەیشتنی ئەم گوژمەیە ناردنی گوژمەکانی دیکەش بەردەوامی دەبێت.

سلێمانی/ بڕیار نامیق