وەزارەتی
دارایی و ئابوری رەتیدەکاتەوە کە رێگربن لە دابەشکردنی فۆرمی زەوی بەسەر
فەرمانبەران و موچەخۆراندا.
هەواڵ:KNNC
وەزارەتی
دارایی و ئابوری حکومەتی هەرێم رونکردنەوەیەکی بڵاوکردەوە و رەتیدەکاتەوە، رێگربن
لە دابەشکردنی فۆرمی زەوی بەسەر فەرمانبەران و موچەخۆراندا.
لە
رونکردنەوەکەی وەزارەتی داراییدا هاتوە، هیچ پەیوەندییەکییان بە پێدانی فۆڕم و
دابەشکردنی زەوی بەسەر فەرمانبەران و موچەخۆراندا نییە و دور و نزیک بەشێک نین لەو
بابەتە.
دەشڵێت: هەموو
ئەو ڕێنمایی و ڕێکار و خاڵبەندییانەی بۆ پێدانی زەوی بۆ فەرمانبەران و خانەنشینان
و تەواوی چین و توێژەکان دیاریکراوە لە تایبەتمەندی و دەسەڵاتی وەزارەتی شارەوانی
و گەشت و گوزاری هەرێمی کوردستانە.
ئاماژەی
بەوەشکردوە، "ئەو کەس و لایەنانەی وەزارەتی داراییان بە ڕێگری لە پێدانی فۆڕمی
دابەشکردنی زەوی بەسەر فەرمانبەران و مووچەخۆرانی ڕێکخراوەکان تۆمەتبار کردوە هیچ
زانیارییەكیان لە بارەی ڕێكار و شێوازی دابەشكردنی فۆڕمی زەوی بەسەر فەرمانبەراندا
نییە و ڕاستگۆ نەبون".
402 جار خوێندراوەتەوە