نرخی زێڕ لە ماوەی ساڵی 2024ـدا بەڕێژەی 28% بەرزبونەوەی تۆمارکردوە، یەکێک لە هۆکارە سەرەکییەکانی بەرزبونەوەی نرخەکەشی کەمکردنەوەی سودی بانکییە لە ئەمەریکا.

ئابوری:KNNC

ئەمڕۆ لەگەڵ کردنەوەی بازاڕە داراییەکانی ئاسیا، نرخی یەک ئۆنسە زێڕ بە 2.622 دۆلار مامەڵەی پێوەدەکرێت، لەماوەی ساڵی 2024ـدا نرخی کانزا زەردەکە بەرێژەی 28% بەرزبوەتەوە.

زێڕ بەرەو دابەزینی هەفتانە دەڕوات، دوای ئەوەی بانکی فیدراڵی پێشبینییەکانی کەمکردنەوەی ڕێژەی سودی بۆ ساڵی داهاتو، خستەڕو.

پێوەرەکانی خاڵی دۆلاری بلومبێرگ هیچ گۆڕانکارییەکی بەرچاوی تۆمارنەکردوە، هاوکات نرخی زیو و پلاتینۆم و پالادیۆم دابەزینیان تۆمارکردوە.