ئەمڕۆ سێشەممە سوپای
ئیسرائیل کوژرانی بەرپرسێکی دیکەی حیزبوڵای لوبنانی راگەیاند.
هەواڵ:KNNC
سوپای ئیسرائیل لە
بەیاننامەیەکدا رایگەیاند، فڕۆکە جەنگییەکانیان هەڵمەتێکی وردیان لە بەیروت
ئەنجامداوە و چەندین ئامانجیان پێکاوە.
ئاماژەی بەوەشکردوە،
لەو هەڵمەتەدا سوهەیل حسێن حوسێنی، بەرپرسی ئەرکانی گشتی حیزبوڵای لوبنان کوژراوە.
لە بەیاننامەکەی هەسەدە هاتوە، حوسێنی ئەندامی " ئەنجومەنی جیهاد"
بوە کە بەرزترین دەسەڵاتی سەربازی حیزبوڵا بوە، هەروەها بەرپرس بوە لە گواستنەوەی
کەلوپەلە سەربازییەکان لە نێوان حیزبوڵا و ئێران.
سوپای ئیسرائیل راشیگەیاندوە، ئەو بەرپرسەی حیزبوڵا کە کوژراوە، کاروباری لۆجستی
رێکخراوەکە و هەستیارترین پلانەکانی جەنگ-ی داڕشتوە، لەوانە ئەنجامدانی ئۆپەراسیۆن
لە دژی ئیسرائیل لە خاکی لوبنان و سوریاوە.
846 جار خوێندراوەتەوە