بەبڕیاری ئاوات جەناب نوری، هەفتەی داهاتو موچەی مانگی ئابی خانەنشینانی هێزەکانی یەکەی حەفتا دابەشدەكرێت.


هەواڵ: (KNNC)


وەزارەتی دارایی و ئابوری بڵاویكردەوە: لەسەر بنەمای گفتوگۆ و رێکەوتنی نێوان وەزارەتی دارایی و نوسینگەی جێگری سەرۆک وەزیرانی هەرێمی کوردستان وەزارەتی پێشمەرگە، کە پێویستە تا کۆتایی ئەمساڵ دۆسیەی سەرجەم خانەنشینانی هێزەکانی یەکەی حەفتا ڕەوانەی بەڕێوبەرایەتی خانەنشینی لەوەزارەتی پێشمەرگە بکرێت، ئەوەش دوای وردبینی و پەسەند کردنی دۆسیەکان ڕەوانەی وەزارەتی دارایی بکرێت.


وەزارەتەكە ئاماژەی بۆ ئەوەشكردوە، لەلایەن ئاوات شێخ جەناب، وەزیری دارایی و ئابوری تەمویلی موچەی مانگی ئابی خانەنشینانی هێزەکانی یەکەی حەفتا کرا و بڕیار وایە لەسەرەتای هەفتەی داهاتو موچەکانیان دابەش بكرێیت.