نوێترین توێژینەوە دەریخستوە کە پەیڕەوکردنی خۆراکی دەوڵەمەند بە سەوزە و میوە دەتوانێت پەستانی خوێن رێک بخات و ئەگەری توشبونیش بە نەخۆشییەکانی دڵ و گورچیلە کەم بکاتەوە.

تەندروستى:KNNC


تۆڕی هەواڵى سی ئێن ئێنی ئەمەریکی لەوبارەیەوە دەڵێت، تیمی توێژینەوەکە ئاماژەیان بەوە کردوە، ئەو نەخۆشانەی بەدەست بەرزی پەستانی خوێنەوە دەناڵێنن، دو کێشەی گەورەیان هەیە کە بریتین لە نەخۆشییەکانی دڵ و نەخۆشی گورچیلە.

توێژەران تاقیکردنەوەیەکیان لەسەر 153 کەس ئەنجامداوە کە پەستانی خوێنیان بەرزە و ئەگەری خراپتربونی نەخۆشییە درێژخایەنەکانی گورچیلەیان زۆرە.

دوای پێنج ساڵ بەدواداچون، توێژەران بۆیان دەرکەوت کە خۆراکی دەوڵەمەند بە سەوزە و میوە، و یەکێک کە سۆدەی نان لەخۆدەگرێت، تەندروستی گورچیلە بەرەوپێش دەبات، بەڵام تەنها سەوزە و میوە تەندروستی دڵیش باشتر دەکات.


مامۆستای پزیشکی ناوخۆیی لە کۆلێژی پزیشکی لە زانکۆی تەکساس دەڵێت: "گەیشتوینەتە ئەو ئەنجامەی کە خۆراکی دەوڵەمەند بە سەوزە و میوە دەبێت بەشێکی سەرەکی بێت لە چۆنیەتی چارەسەرکردنی نەخۆشانی بەرزی پەستانی خوێن".

کۆمەڵەی دڵی ئەمەریکی پێشنیاری ئەوە دەکات کە ڕۆژانە 4 بۆ 5 ژەم سەوزە و میوە بخورێت و یەک ژەم لەوانەیە مۆزێک، کوپێک سەوزەی گەڵادار و کاڵ، یان شوتی گەورە لەخۆ بگرێت.