بەهۆی ناوهێنانی سەرکردەکانی بەرەی مقاوەمە
و شیعەکان بە تیرۆرست، لایەنگرانی گروپێکی چەکداری عێراق نزیك لە ئێران، هەڵیانکوتایە
سەر باڵەخانەی کەناڵی ئێم بی سی لە بەغداد و باڵەخانەکەیان سوتاند.
هەواڵ:KNNC
ئاژانسەکانى هەواڵ و میدیکان لە بەغداوە بڵاویان کردەوە:
شەوی رابردو نزیکەی 500 کەس لە لایەنگرانی گروپێکی چەکداری عێراقیی نزیك لە
ئێران، هەڵیانکوتایە سەر نوسینگەى کەناڵی ئێم بی سی سعودیە لە گەڕەکى جامیعەى
بەغداد.
ئاماژەیان بەوەش کردوە: لایەنگرانی ئەو
گروپە چەکدارە، سەرجەم ئامێرەکانی پەخشیان تێكشکاندوە و بەشێکی باڵەخانەکەشیان
سوتاندوە.
بە گوێرەی ئەو ئامارانەی دەست میدیاکان کەوتون:
نزیکەى 65%ى باڵەخانەی کەناڵی ئێم بی سی زیانی بەرکەوتوە.
هەر بە وتەى میدیاکان، نیگەرانی و توڕەیی
ئەو لایەنگرانە بەهۆی بڵاوکردنەوەی راپۆرتێكی کەناڵەکە بوە، سەبارەت بە ناوهێنانی
بەشێك لە سەرکردە شیعەکان و بەرەی مقاوەمە بە تیرۆرست.
106 جار خوێندراوەتەوە