بەپێی ئاماری ڕێكخراوەكانی
مافی مرۆڤ، لە ماوەی نۆ ساڵی ڕابردودا لە توركیا و باکوری کوردستان، دەیان هەزار
كەس لە لایەن هێزە ئەمنییەكانەوە دەستگیركراون و سەدان كەسیش لەلایەن پۆلیسەوە
كوژراون و برینداركراون.
هەواڵ:KNNC
كۆمەڵەی مافی مرۆڤی لقی
ئامەد، ناسراو بە (ئیهاد) ڕاپۆرتێكی بنكۆڵكاریی لەبارەی مافەكانی مرۆڤ لە
توركیا و باكوری كوردستان بڵاوكردەوە، بەپێی ئەو ئامارانە لەماوەی نۆ ساڵی ڕابردودا،27
هەزار و 984 كەس لەلایەن هێزە ئەمنییەكان تورکیاوە دەستگیركراون و نزیكەی پێنج هەزار
و 680 كەسیش سزادراون.
لەبەشێکی تری ڕاپۆرتەكەدا
هاتوە: بەهۆی نەبونی ڕێكاری ئەمنی و توندوتیژی و تەقەی هێزە ئەمنییەكانەوە،
25 كەس كوژراون و نزیكەی 450 كەسی تریش برینداربون.
ئاماژەبەوەش كراوە، هێزە
ئەمنییەكان دەستوەردانیان لە 360 خۆپیشاندان كردوە و 570 چالاكی جۆراوجۆریشیان قەدەغە
كردوە..
59 جار خوێندراوەتەوە