ئەمڕۆ لە هەرێمى کوردستان پشوى فەرمییە، بەڵام دابەشکردنى موچەى موچەخۆران بەپێی ئەو خشتەیەى وەزارەتى دارایی بڵاویکردوەتەوە بەردەوامە.

هەواڵ:KNNC

بەپێی راگەیەنراوەکەى شەوى رابردوى وەزارەتى دارایی؛ ئەمڕۆ دوشەممە، دەوامی سەرجەم ئەو بانكانە ئاسایی دەبێت ئەركی دابەشكردنی موچەیان لەئەستۆدایە و پرۆسەکە بەردەوام دەبێت.

بەپێی خشتەکە؛ ئەمڕۆ (دەستەى دەستپاکى، دەستەى وەبەرهێنان، دەستەى ژینگە، دەزگاى مین، ناوچەکانى دەرەوەى هەرێم، کۆمیسیۆنى باڵاى هەڵبژاردن، دیوانى چاودێرى دارایی، مافى مرۆڤ، کار و کاروبارى کۆمەڵایەتیی، کاروبارى شەهیدان و ئەنفالکراوان، دارایی و ئابورى، تەندروستى) دابەش دەکرێت.

ئەوەش لەکاتێکدایە، رۆژى رابردو، بەهۆى بەڕێوەچونى پرۆسەى دەنگدان بۆ شەشەمین خولى پەرلەمانى کوردستان، دابەشکردنى موچە بەڕێوەنەچو.