ئێران هۆشداری دەداتە ئەمەریکا و دەڵێت: واشنتۆن بەرپرسیارە لە دەرئەنجامی هێرشی تۆڵە سەندنەوەی ئیسرائیل بۆ سەر ئێران، ئەمەش دوای ئەوە هات جۆ بایدن رایگەیاند، ئاگاداری چۆنێتی و کاتی هێرشەکەی ئیسرائیلە بۆ سەر وڵاتەکە.

هەواڵ:KNNC

ئەمیر سەعید ئێرەوانی، نوێنەری هەمیشەیی ئێران لە نەتەوەیەکگرتوەکان، لە نامەیەکدا بۆ ئەنتۆنیۆ گۆتێرێس سکرتێری گشتیی نەتەوەیەکگرتوەکان و سەرۆکایەتیی ئەنجومەنی ئاسایش؛  لێدوانەکانی جۆ بایدن سەرۆکی ئەمەریکای شەرمەزار کرد.

ئیرەوانی وتیشی: ئەو جۆرە لێدوانانە دەبێتە هۆی نائارامکردنی ناوچەکە.

کاردانەوەی ئێران دوای ئەوە هات جۆ بایدن سەرۆکی ئەمەریکا لە وەڵامی پرسیارێک سەبارەت بە ئەگەری هێرشی ئیسرائیل بۆ ئێران رایگەیاند، واشنتۆن ئاگاداری شێواز و کاتی وڵامدانەوەی ئیسرائیلە بۆ سەر ئێران.