وەزارەتی بەرگری روسیا رایدەگەیەنێت: لە هەفتەی رابردودا سوپا توانیویەتی دەست بەسەر (12) شارۆچکەی کۆماری دۆنێتسک و پارێزگای خارکۆڤدا بگرن.

هەواڵ: (KNNC)

لە بڵاوكراوەیەكدا وەزارەتی بەرگری روسیا رایگەیاند: لەئەنجامی بەرپەرچدانەوەی هێرشەكانی ئۆكرانیا لە هەفتەی رابردوا سوپا توانیویەتی دەست بەسەر شارۆچکەی کروگلیاکۆڤکا لە پارێزگای خارکۆڤ، شارۆچکەکانی ئەلێکساندرۆپۆل و کاترینیڤکا، سێلیدۆڤۆ، گۆرنیاک، تسوکۆرینۆ، ئیزمایلۆڤکا و لیۆنیدۆڤکای، دۆبرۆڤۆلی، یاسنایا پۆلیانا، نۆڤۆکرینکا و شاختیرسکۆیە لە کۆماری گەلی دۆنێتسکدا بگرن.

رونیكردوەتەوە، كە سوپای روسیا زیانی زۆریان بە هێزەكانی ئۆكرانیا گەیاندوە و لە هەفتەی ڕابردودا  سیستەمی بەرگری ئاسمانی (815) فڕۆکەی بێفڕۆکەوانی ئەو وڵاتەیان خستەوەتە خوارەوە.

ئەوەیخستوەتەڕو، سیستەمی بەرگری ئاسمانی روسیا حەوت موشەکی ئەتاکوم و (26) موشەکی  هیمارسی خستوەتە خوارەوە كە دروستکراوی ئەمەریکا بون، هەروەها نۆ بۆمب و موشەکێکی ئێس (2000)ـی فەرەنسییان بەئامانج گرتوە كە لەفەرەنساوە دروستكراون.

وەزارەتی بەرگری روسیا ئاماژەی بۆ ئەوەشكردوە، لە سەرەتای دەستپێکردنی ئۆپەراسیۆنە سەربازییەكانیان  (647) فڕۆکەی جەنگی، (283) کۆپتەر، (35) هەزار و (119) فڕۆکەی بێفڕۆکەوان، (585) سیستەمی بەرگری ئاسمانی، (19) هەزار و (12) تانک و زرێپۆشی شەڕکەر، هەزار و (482)  موشەک و (17) هەزار و (158) تۆپخانەی مەیدانییان تێكشكاندوە.