دۆناڵد ترەمپ لە فلۆریدا وتارى سەرکەوتنى پێشکەش کرد و رایگەیاند؛ سەرکەوتنێکیان بەدەستهێنا کە چاوەڕواننەکراو بو، جەختیشى کردەوە کە جارێى دیکە ئەمەریکا بەهێز دەکاتەوە.

هەواڵ:KNNC

لە وتارەکەیدا کە دواى بڵاوبونەوەى ئەنجامە بەراییەکانى هەڵبژاردنى سەرۆکایەتیی ئەمەریکا پێشکەشى کرد، دۆناڵد ترەمپ، کاندیدى کۆمارییەکان رایگەیاند؛ ئەمەى رویدا جوڵانەوەیەک بو کە هەرگیر نەبینراوە و گەورەترین دجوڵانەوەى سیاسیی لە ئەمەریکا رویدا.


هەروەک جەختیکردەوە کە ئەمەریکا لەمڕۆوە دەچێتە قۆناغێکى نوێوە و هاوکاریی وڵاتەکەیان دەکەن کە برینەکانى سارێژ ببێت و ئەم سەرکەوتنەشى بە جۆرێک وەسفکرد کە سیاسیەتى ئەمەریکا پێشتر بەخۆیەوە نەبینیوە.



وتیشى: ئێمە بەسەر کۆمەڵێک دژواریدا سەرکەوتین کە کەس پێی وانەبو بکرێت و من ئێستا 45ـهەمین و 47ـهەمین سەرۆکى ئەمەریکام و ناوەستم و تا دوا هەناسەم کاردەکەم بۆ بەدیهێنانى ئەو ئاواتانەى منداڵەکانمان هەیانە.

ئاماژەى بۆ ئەوەشکرد کە ئەم سەرکەوتنە هەستێکى گەورەى خۆشەویستى پێداوە و ئەویش کار بۆ دڵخۆشبونى ئەمەریکا دەکات و وتى: لە داهاتودا سەیر دەکەن و دەڵێت: ئێمە دەنگمان بە کۆمەڵە کەسانێکى بەهێزدا و شانازى بە خۆتانەوە دەکەن.

ئەوەشى خستەڕو کە ئێستا کۆمارییەکان توانیویانە کۆنتڕۆڵى زۆرینەى ئەنجومەنى پیران و ئەنجومەنى نوێنەران بکەنەوە و بۆ ئەمەش سوپاى میلانیان ترەمپى هاوسەرى کرد و سوپاسیشى پێشکەشى جەى دى ڤانسى جێگرى کرد.

لە بەشێکى دیکەى وتارەکەیدا ترەمپ وتى: ئێمە شەڕ کۆتایی پێدەهێنین نەک دەستیپێبکەین  و وتیشى: ئێمە سنورەکان دادەخەین و دەمانەوێت ئەوانەى دێنە وڵاتەکە بەڕێگەى یاسایی بێن.