بەشی پێشبینی كەشوهەوا لە فەرمانگەی كەشناسی عێراق بڵاویكردەوە؛ سبەینێ سێشەممە تەم زۆربەی ناوچەكانی وڵات بە هەرێمی كوردستانیشەوە دەگرێتەوە، هۆشداری بە شۆفێرانیش دەدات و دەڵێت: بۆ پاراستنی خۆتان زیاتر پابەندی رێنماییەكانی هاتوچۆ و خۆپارێزی ببن.   

هەواڵ: (KNNC)

بەشی پێشبینی کەش و هەوا لە فەرمانگەی کەشناسی، وەزارەتی گواستنەوە و گەیاندنی عێراق، رایگەیاند:  لە ئەنجامی باران بارینی دو رۆژی رابردو، زیادبونی رێژەی شێی زەوی پێشبینی دەكرێت بۆ سبەینێ سێشەممە، تەم بەشێكی زۆری پارێزگاكانی خوار و ناوەڕست و هەرێمی كوردستان بگرێتەوە، ئەمەش وادەكان ئاستی بینین لە كاتژمێرەكانی بەیانیان بۆ نێوان (2 بۆ 4) كیلۆمەتر دابەزێت.

فەرمانگەی کەشناسی، وەزارەتی گواستنەوە و گەیاندنی ناوەند داوا لە شۆفێران دەكات، بۆ دڵنیابونەوە لە سەلامەتی خۆتان رێوشوێنەكانی هاتوچۆ و خۆپارێزی زیاتر بگرنەبەر، کە ئەوانیش لە کەمکردنەوەی خێرایی لە کاتی لێخوڕین و پاراستنی مەودای سەلامەتی نێوان ئۆتۆمبێلەکان پێكهاتوە، هەروەها باشتر وایە لە کاتی  روداوی هاتوچۆدا بۆ دروستنەكردنی ئاستەنگی هاتوچۆ لە شوێنەكە دور بكەویتەوە.