لەمیانەی دیدارێكیدا لەگەڵ بەڕێوەبەری گشتی ئاژانسی نێودەوڵەتی وزەی ئەتۆمی، سەرۆك كۆماری ئێران رایگەیاندوە كە ئێران هەوڵی بەدەستهێنانی چەكی ئەتۆمی نەداوە.

هەواڵ: (KNNC)


مەسعود پزیشكیان، سەرۆك كۆماری ئێران بە رافائیل گرۆسی، بەڕێوەبەری گشتیی ئاژانسی نێودەوڵەتی وزەی ئەتۆمی رایگەیاندوە: بەپشتبەستن بە فەتوای رێبەری مەزنی ئینقلابی كۆماری ئیسلامی، تاران هەوڵی دروستکردن و بەدەستهێنانی چەکی ئەتۆمی نەداوە و هیچ كارێكی لەو شێوەش ئەنجام نادات.


ئاماژەی بۆ ئەوەشكردوە، ئەو تەکنەلۆجیا ئەتۆمییەی تاران بەدوایدا دەگەڕێت، لەگەڵ چوارچێوە یاسایی و مۆڵەتەکانی ئاژانسی نێودەوڵەتی وزەی ئەتۆمیدا یەکدەگرێتەوە، ئێستاش جیهان گەیشتوەتە ئەو بڕوایەی کە ئێران ئاشتی و ئاسایشی دەوێت.


لەدیدارەكەی لەگەڵ بەڕێوەبەری گشتیی ئاژانسی نێودەوڵەتی وزەی ئەتۆمی مەسعود پزیشكیان، سەرۆك كۆماری ئێران ئاماژەی بۆ ئەوەشكردوە، تاران چالاکی ئەتۆمی ئاشتیانە دەوێت و هەڵوێست و پرەنسیپی بەرامبەر بە قەدەغەکردن و دروستکردنی چەکی ئەتۆمی جێگیرە.