كەشناسی سلێمانی پێشبینییەكانی كەشوهەوای بۆ (24) كاتژمێری داهاتو ئاشكرا دەكات و دەڵێت: پلەکانی گەرما (1 بۆ 2) پلە بەرز بونەوە بەخۆیانەوە دەبینن.


هەواڵ: (KNNC)



بەڕێوەبەرایەتی کەشناسی و بومەلەرزەزانی سلێمانی بڵاویكردەوە، بەپێی پێشبینیەكانی كەشناسی سبەینێ هەینی ئاسمانی هەرێمی كوردستان ساماڵ دەبێت، بەڵام لەناوچە شاخاوییە سنورییەکان دەگۆرێت بۆ نیمچە هەور.


راشیگەیاندوە: بەراورد بە پلە تۆماركراوەكانی ئەمڕۆ پێنجشەممە، رۆژی هەینی پلەکانی گەرما (1 بۆ 2) پلە بەرز بونەوە بەخۆیانەوە دەبینن، خێراى "با" لە نێوان لەسەرخۆ – مامناوەند (10 بۆ 15) کم/ک و ئاڕاستەكەشی لە باکوری خۆرئاواوەیە، هەروەها مەوداى بینین لەنێوان (8 بۆ 10) كم دەبێت.


بەڕێوەبەرایەتی کەشناسی و بومەلەرزەزانی سلێمانی ئاماژەی بۆ ئەوەشكردوە، بەگوێرەی پێشبینییەکانی کەشناسی، بەرزترین پلەکانی گەرمای پێشبینیکراو بۆ سبەینێ هەینی بەم شێوەیە دەبن:


هەولێر: 11 پلەى سیلیزى
سلێمانی: 10 پلەى سیلیزى
دهۆک: 9 پلەى سیلیزى
کەرکوک: 12 پلەى سیلیزى
هەڵەبجە: 11 پلەى سیلیزى
زاخۆ: 11 پلەى سیلیزى
حاجی ئۆمەران: 3 پلەى سیلیزى
سۆران: 8 پلەى سیلیزى
گەرمیان: 13 پلەى سیلیزى