لە رونكردنەوەیەكدا، لیژنەی ئەمنی سلێمانی جەخت دەكاتەوە كە بڕیاری دەستبەسەرا گرتنی ئۆتۆمبێلە بێ سەرەتاکان جێبەجێ دەكرێت و ئەو هەوڵانەی لە چەند كەناڵێكی راگەیاندنەوەی بڵاوكراونەتەوە ناڕاستن.


هەواڵ: (KNNC)


لیژنەی ئەمنی سلێمانی بڵاویكردوەتەوە؛ لە چەند پەیج و ماڵپەر و کەناڵێکی راگەیاندن ھەواڵێکی ناڕاست و بەمەبەست وچەواشەکارانە بڵاو کراوەتەوە کە گۆڕانکاری بەسەر بڕیاری دەستبەسەرا گرتن و قەدەغە کردنی ئۆتۆمبێلە بێ سەرەتاکان کراوە، یاخود بڕیارەکە گۆرانگاری بەسەر ھاتوە و ھەمو جۆرە ئۆتۆمبێلێکی بێ سەرەتا ناگرێتەوە .


ئەوەی خستوەتەڕو، بەھەمو لایەك رادەگەیەنێت؛ ئەم ھەواڵە دورە لە راستییەوە و بەھیچ جۆرێک ھیچ پاشگەز بونەوە و گۆرانگاری بەسەر بڕیارەکەمان نەھاتوە، چونکە بڕیارێکی سەرپێیی نەبوە و زۆر بەوردی دیراسە کراوە و کۆدەنگی و ھەماھەنگی سەرجەم لاێنەپەیوەندیدارەکانی لەسەرە.


لیژنەی ئەمنی سلێمانی ئاماژەی بۆ ئەوەشكردوە، بەتەواوی نییەتمانە کۆتایی بە پاشاگەردانی و یاسا شکێنی و شێواندنی سیمای شارستانی و ئارامی شاری سلێمانی پایتەختی رۆشنبیری، سورن لەسەر جێبەجێکردنی ھەر بڕیارێکەی خۆیان.