کارەباى سلێمانى نرخى ئەمپێرەکانى کارەباى موەلیدەى بۆ مانگى 11 راگەیاند و خشتەى کارپێکردنى موەلیدەکانیشى بڵاوکردەوە، دەشڵێت: هەر خاوەن موەلیدەیەک کارپێکردنى موەلیدەکەى زیاتر لە پێنج خولەک بێت سزا دەدرێت.

هەواڵ:KNNC

بەڕێوەبەرایەتیی گشتى کارەباى سلێمانى بڵاویکردەوە؛ ئه‌مڕۆ یەكشە‌ممه‌ لیژنەی دیاریكردنی نرخی موه‌لیده‌ ئه‌هلییه‌كان کۆبوەوە و به‌پێی نرخی سوته‌مه‌نی له‌ بازاڕه‌كاندا نرخی هه‌ر كاتژمێرێك کارەبای موەلیدە بۆ یه‌ك ئه‌مپێر بە (43) دینار دیاریکرد.

دەشڵێت:‌ نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له‌ ناوشاری سلێمانی له‌نێوان (9000) بۆ (10000) دیناره‌ و به‌هۆی جیاوازی كارکردنیان لە گەڕەکێک بۆ گەڕەکێکى دیکە نرخی ئه‌مپێرەکان جیاوازیان ده‌بێت.

ئەوەشى ئاشکرا کرد کە خشته‌ی كارپێكردنی موه‌لیده‌ بۆ مانگى كانونییەكەم  گۆڕانکارییان بەسەردا دێت و بەمشێوەیە دەبێت:
رۆژانە لەکاتژمێر 1:٠٠ی پاشنیوەڕۆ تا 1ی شەو کاردەکەن
کاتژمێر 1ی شەو دەکوژێتەوە تا 6:30 ی بەیانى
کاتژمێر6:30٠ی بەیانی تا 8:00ی بەیانی کاردەکەن
کاتژمێر 8:00ی بەیانی تا 1ی پاشنیوەڕۆ کارناکەن.

رۆژانی هەینی و شەممە بەیانیان کارناکەن، لەبری بەیانی کاتژمێر 11:00ی پێشنیوەڕۆ کاردەکەن