بۆ یەکەمجار لە مێژوى دراوەکەدا، بیتکۆین زیاتر لە 100 هەزار دۆلارى تێپەڕاند ئەمەش دواى سەرکەوتنەکەى دۆناڵد ترەمپ کە چاوەڕێ دەکرێت ژینگەیەکى گونجاو بۆ دراوە ئەلیکترۆنییەکان فەراهەم بکات.

ئابورى:KNNC


بەیانى ئەمڕۆ پێنجشەممە، بەهاى دراوى ئەلیکترۆنى بیتکۆین 100 هەزار دۆلارى تێپەڕاند و گەیشتە (103,194.30) دۆلار و هەر ئەمساڵ بەهاى ئەو دراوە دو هێندە بەرزبوەتەوە و دواى سەرکەوتنى دۆناڵد ترەمپیش لە هەڵبژاردنى سەرۆکایەتیی ئەمەریکا بەهاکەى 45% زیادیکردوە.

ئاماژەکان ئەوە دەردەخەن کە ئەم دراوە بۆ بەرزبونەوەى زیاتر دەڕوات بۆ چوارەم هەفتە لەسەریەک و چاوەڕێش دەکرێت بگاتە باشترین ئاستى لە مانگى شوباتى رابردوەوە.

تەنها لەمساڵدا و بەپێی زانیارییەکانى ئاژانسى رۆیتەرز، بەهاى دراوى بیتکۆینى ئەلیکترۆنى تەنها لەمساڵدا 130% بەرزبوەتەوە.