یەکەم گوژمەى موچەى مانگى 11 رەوانەى هەرێمى کوردستان کرا و بەپێی راگەیەنراوەکەى وەزارەتى داراییش لەگەڵ گەیشتنى تەواوى پارەکە دابەشکردنەکەى دەستپێدەکات.

هەواڵ:KNNC

سەرچاوەیەک لە وەزارەتى دارایی عێراق بە کەى ئێن ئێن،ى راگەیاند: یەکەم گوژمەى موچەى مانگى 11 لە وەزارەتى دارایی عێراقەوە رەوانەى هەرێمى کوردستان کراوە، بەڵام هێندە نییە بتوانرێت موچەى مانگەکەى پێ دابەش بکرێت و کورتهێنانى هەیە.

ئاماژەى بۆ ئەوەشکرد کە لە ئێستادا لیستى موچەى مانگى 12 لە پرۆسەى وردبینیکردندایە و بڕیارە لەگەڵ بڕى ئەو پارەیەى بڕیارە لە بودجە بگوازرێتەوە و بنێردرێت بۆ هەرێمى کوردستان 430 ملیار دینارە رەوانەى هەرێمى کوردستان بکرێت.

لاى خۆیەوە وەزارەتى دارایی و ئابورى حکومەتى هەرێمى کوردستان لە راگەیەنراوێکدا بڵاویکردەوە؛ بڕى 631 ملیار و 355 ملیۆن دینار وەک بەشێک لە تەمویلى موچەى مانگى 11 خرایەسەر هەژمارى بانکى وەزارەتەکەیان.

سلێمانى-بڕیار نامیق