ئەمڕۆ بەپێی ئەو خشتەیەى وەزارەتى دارایی هەرێم بڵاویکردوەتەوە؛ دابەشکردنى موچەى فەرمانبەران و موچەخۆرانى هەرێمى کوردستان دەستپێدەکات و پرۆسەکەش تا سێ رۆژى دیکە کۆتایی دێت.

ئابورى:KNNC

بەپێی خشتەکەى دارایی؛ ئەمڕۆ 5ـى1ـى2025 دابەشکردنى موچەى مانگى 11ـى ساڵى 2024ـى (خانەنشینانى شارستانى، خانەنشینى پێشمەرگە، کەسوکارى شەهیدان و ئەنفالکراوان، خاوەن پێداویستى تایبەت، زیندانە سیاسییەکان) دابەش دەکرێت.

ئەم پرۆسەیە رۆژانى (5 و 6 و 7 و 8) بەردەوام دەبێت، کۆتا رۆژ (رۆشنبیرى و لاوان، کارەبا، ئاوەدانکردنەوە و نیشتەجێکردن، خوێندنى باڵا و توێژنەوەى زانستى، سەرۆکایەتیی پەرلەمان، سەرۆکایەتیی ئەنجومەنى وەزیران، سەرۆکایەتیی هەرێم، پێشمەرگە، یەکەى 70 و 80، ب پۆلیس و دامودەزگا نەوتییەکان، ئەنجومەنى و دەزگاى ئاسایش، هێزەکانى زێرەڤانى و فەرماندەى بەرگرى فریاکەوتن) موچەکانیان وەردەگرن.

لەبارەى چارەنوسى دابەشکردنى موچەى مانگى 12 پێشتر وەزارەتى دارایی هەرێم لە راگەیەنراوێکدا وتى: لە ئەستۆی حکومەتی عێراقە دابینی بکات و وەزیرى دارایی عێراق بەڵێنیداوە تەمویلى بکات.