دراما تورکییەکان بوەنەتە سەرچاوەیەکی گەورە داهات بۆ وڵاتەکە و بەپێی دوایین ئامار لە ساڵی 2024 زیاتر لە نیو ملیار دۆلار داهاتیان بۆ وڵاتەکە کۆکردوەتەوە.

ئابورى:KNNC 

بە گوێرەی راپۆرتیکی رۆژنامەی (یەنی بیرلیک) داهاتی هەناردەکردنی پیشەسازی زنجیرە تەلەڤزیۆنییەکانی تورکیا لە ساڵی  2024 دا 500 ملیۆن دۆلاری تێپەڕاندوە.

رۆژنامە تورکییەکە، ئەوەشى ئاشکرا کردوە کە تورکیا لە ساڵی رابردودا زیاتر لە 300 بەرهەمی تەلەڤزیۆنی بۆ زیاتر لە 150 وڵات هەناردە کردوە.

ئاماژەی بەوەشکردوە، مەزەندە دەکرێت بەرهەمە تورکییەکان، لەلایەن یەک ملیار بینەر لە رۆژهەڵاتی ناوەراست و ئەمەریکای لاتین و ئەمەریکا و ئوسترالیا و ئەوروپا تەماشا کرابن. 

هەر لەوبارەیەوە پێگەی نێتیفلێکس بڵاویکردەوە، لە ساڵی 2021وە تا ئێستا 47 ناوەڕۆکی تورکی لە لیستی هەفتانەی 10 لە باشترین زنجیرەکانی جیهان پۆلێن کراون.