کەشناسی هەرێم رایگەیاند، ئەمڕۆ بەفر و باران دەبارێت و لە هەندێک ناوچە پلەکانی گەرما بۆ ژێر سفر دادەبەزن.

هەواڵ:KNNC

بەڕێوەبەرایەتی گشتی کەشناسی و بومەلەرزەزانی هەرێم بڵاویکردەوە، ئەمڕۆ ئاسمان هەوری تەواو دەبێت، لە زۆربەی ناوچەکان نمە باران دەبارێت و لە ناوچە شاخاوییەکان و سنورییەکان بەفر دەبارێت.

دەشڵێت: لە سلێمانی تێکەڵەی بەفر و باران دەبارێت و لە کاتەکانی ئێوارە کاریگەری شەپۆلەکە کۆتاییدێت و ئاسمان بەرەو ساماڵ دەگۆڕێت، هاوکات پلەکانی گەرما لە هەندێک ناوچە (6-7) پلە و لە هەندێک ناوچەش (8-10) نزم دەبێتەوە و لە ناوچە شاخاوییەکانیش بۆ ژێر سفر دادەبەزێت.

سەبارەت بە کەشی سبەینێ سێشەممە کەشناسی هەرێم پێشبینی کردوە، ئاسمان ساماڵ و سارد بێت، لەگەڵ دروستبونی شەختە لە ناوچە بەرزەکان، هاوکات پلەکانی گەرما چوار تــــا شەشـــ پلە بەرزدەبێتەوە.

بەرزترین پلەکانی گەرمای پێشبینیکراو بە پلەی سیلیزی :
هەولێر: 12 پلەى سیلیزى
سلێمانی : 9 پلەى سیلیزى
دهۆک : 10 پلەى سیلیزى
کەرکوک : 14 پلەى سیلیزى
زاخۆ : 11 پلەى سیلیزى
هەڵەبجە : 10 پلەى سیلیزى
حاجی ئۆمەران: -3 پلەى سیلیزى
سۆران: 7 پلەى سیلیزى
گەرمیان : 12 پلەى سیلیزى