بۆ دروستكردنی ژێرخانی دەستكرد لە ئەمەریكا، گروپێک لە کۆمپانیا پێشەنگەکانی تەکنەلۆجیا نزیكەی نیو تریلیۆن دۆلاریان تەخانكردوە.


زانستی: (KNNC)


گروپێک لە کۆمپانیا پێشەنگەکانی تەکنەلۆجیا کە بە ستارگەیت ناسراوە، رایانگەیاند: نزیكەی نیو تریلیۆن دۆلار بۆ دروستکردنی ژێرخانی زیرەکی دەستکرد لە ئەمریکادا تەرخان دەكەن كە ئەوەش هاوکاتە لەگەڵ دەستپێکردنی ئیدارەی دۆناڵد ترەمپ، سەرۆکی ئەمەریکا.


هاوكات، کۆمپانیای ئۆراکل و کۆمپانیای (MGX) کە لەلایەن ئیماراتەوە پشتگیری دەکرێن هاوبەشن لەم پڕۆژەیەدا.


لای خۆشیانەوە هەریەك لە کۆمپانیای مایکرۆسۆفت، گەورەترین وەبەرهێنەری (ئۆین ئای) و کۆمپانیای (Nvidia) وەک "هاوبەشی تەکنەلۆژیا" لە ستارگەیت ڕایانگەیاند: بەشێک دەبن لە بنیاتنانی ژێرخانی پڕۆژەکە.


میدیا ئەمەریكییەكان بڵاویانكردەوە، لە كۆشكی سپی و بەئامادەبونی دۆناڵد ترەمپ، سەرۆكی ئەمەریكا  کۆمپانیاکان ئەوەیانخستەڕو؛ بەبڕی (100) ملیار دۆلار وەبەرهێنان لە پرۆژەکەدا، دەكەن و پلانیشیان هەیە لە چوار ساڵی داهاتودا بڕەكەی بۆ (500) ملیار دۆلار بەرزبكەنەوە.


دۆناڵد ترەمپ، سەرۆكی ئەمەریكا وتی: پرۆژەی "ستارگەیت" ژێرخانی فیزیکی و گریمانەیی بۆ بەهێزکردنی نەوەی داهاتوی لە زیرەکی دەستکردی پێشکەوتو بیناددەنێت، كەدەبێت بە سەنتەرێكی گەورە بۆ زانیارییە زۆرەكان.