لەدواى روخانى رژێمى بەشار ئەسەدەوە وڵاتانى ئەوروپا دەستیان بە راگرتنى فایلى پەناخوازان کردوە و لە ئێستادا چارەنوسى نزیکەى 100 هەزار کەس نادیارە.

هەواڵ:KNNC


دەزگاى لوتکە بۆ کاروبارى ئاوارە و پەنابەران ئاشکرایکردوە کە ئەڵمانیا وەک یەکێک لەو وڵاتە ئەوروپیانەى کە زۆرترین ژمارەى سورییەکان وەردەگرێت داواکاریی زیاتر لە 47 هەزار پەناخوازى سوریی راگرتوە و یۆنان و نەمسا و فەرەنسا و سویدیش هەمان بڕیاریان دەرکردوە.

ئاماژە بۆ ئەوەشکراوە کە لەدواى روخانى رژێمى بەشار ئەسەدەوە، بەریتانیا و چەند وڵاتێکى دیکەیش پشکنینى دۆسیەى سورییەکانیان راگرتوە تا ئەوکاتەى شێوەى نوێی وڵاتەکە رون دەبێتەوە و دۆخەکە هەڵدەسەنگێنرێت.

دەزگاى لوتکە ئەوەى خستوەتەڕو کە لە ئێستادا نزیکەى لە 100 هەزار فایلى سورییەکان هەیە کە لە 27 وڵاتى ئەوروپى داواى پاراستنى نێودەوڵەتییان کردوە و کارەکانیان راگیراوە بەمشێوەیە:


-ئەڵمانیا:
47 هەزار داواکاریی راگرتوە

-یۆنان:
9 هەزار داواکاریی راگرتوە

-نەمسا:
7 هەزار و 300 داواکاریی راگرتوە

- بەریتانیا:
6 هەزار و 500 داواکاریی راگرتوە
-فەرەنسا
700 داواکاریی راگرتوە

-دانیمارک
69 دۆسیەى راگرتوە

-سوید
600 داواکاریی راگرتوە