لە چوارچێوەى ئەو رێککەوتن و ئاگربەستەى لەنێوانیان هەبو، حەمماس چوار بارمتەى دیکەى رادەستى ئیسرائیل کردەوە.

هەواڵ:KNNC

ئاژانسەکانى هەواڵ بڵاویانکردەوە؛ ئەمڕۆ شەممە لە چوارچێوەى ئاگربەستى نێوان ئیسرائیل و حەمماس، چوار ژنە بارمتەى دیکەى ئیسرائیل لەڕێی خاچى سورەوە لەلایەن حەمماسەوە رادەستکرانەوە.

ئاماژە بۆ ئەوەکراوە کە لەبارمبەر رادەستکردنەوەى ئەم چوار بارمتەیە، ئیسرائیل 200 زیندانیی و راگیراوى فەڵەستین ئازاد دەکات، کە لەنێویاندا 120 چالاکوانى فەڵەستینى هەیە کە بە زیندانی هەتا هەتایی سزا درابون.

هاوکات بزوتنەوەى حەمماس ئەوەى ئاشکرا کردوە  کە 70 لەو زیندانییانەى ئەمڕۆ لەلایەن ئیسرائیلەوە ئازاد دەکرێن، دەچنە دەرەوەى خاکى فەڵەستین.