لەساڵی رابردودا عێراق بەبڕی (197) میلۆن دۆلار میوە مزرەكانی لە توركیا هاوردەكردوە، بەمەش بوە بە دوەم وڵاتە لەو ریزبەندییەی توركیا بەربومە كشتوكاڵییەكانی بۆ هەناردەكردوە.


هەواڵ: (KNNC)


یەكێتی هەناردەكارانی دەریای ناوەڕاست بڵاویكردەوە، لەروی هاوردەكردنی بەروبومە كشتوكاڵییەكان بەگشتی و بەتایبەتی میوە مزرەكان بەتایبەتی، عێراق لەساڵی (2024)ـدا و بەبڕی (197) ملیۆن دۆلار میوەی لەئەو وڵاتەوە هاوردەكردوە.


ئاشكرایكردوە، ساڵی رابردو توركیا نزیكەی (639) تۆن میوە مزرەكان كە لە لیمۆ، پرتەقاڵ، لالەنگی و ترێ پێكهاتون هەناردەی بازاڕەكانی جیهان كردوە.


رونیشیكردوەتەوە، لە ریزبەندییەكەدا، روسیا بە بڕی (375) ملیۆن دۆلار لە پلەی یەکەمدایە و دواتیش  عێراق بەبڕی (197) ملیۆن دۆلار، ئۆکرانیا بەبڕی (108) ملیۆن دۆلار، رۆمانیا بەبڕی (49) ملیۆن دۆلار و  پۆڵەندا بە (49) ملیۆن دۆلار میوە مزرەكانیان هاوردەكردوە.


یەكێتی هەناردەكارانی دەریای ناوەڕست ئاماژەی بۆ ئەوەشكردوە، كۆی گشتی داهاتی هەناردەكردنی سەوزە و میوەكانی توركیا لەساڵی رابرودا بڕەكەی زیاتر لە سێ ملیار و (401) ملیۆن دۆلار بوە كە لە (43%)ـی میوە مزرەكان بوە.