لیرەی تورکی لە 20 ساڵی تەمەنیدا گەیشتوەتە نزمترین ئاستی خۆی، یەک دۆلار بەرامبەرە بە زیاتر لە 36 لیرە. 

ئابوری:KNNC

دابەزینی لیرەی تورکی لە کۆتا ڕۆژی مانگی یەکی ساڵی 2025 بەردەوامە و بەهای یەک دۆلار بۆ زیاتر لە 36 لیرە بەرزبوەتەوە، بە جۆرێک لە بازاڕە نێوخۆییەکانی وڵاتەکەدا کڕینی یەک دۆلار بەرامبەرە بە 36.4 لیرە. 

 دابەزینی لیرەی تورکی یەکەم جارە لە دوای چاپە نوێیەکەی کە لە ساڵی 2005وە لە بازاڕەکاندایە تۆمار بکرێت، پێشتر یەک لیرە بەرامبەر بو بە یەک دۆلار، بەڵام بەردەوام ڕوی لە دابەزین کردوە. 

لە بارەی بەهای لیرە تا کۆتایی ساڵی 2025 پرۆفیسۆر شەنۆڵ بابوشک، جێگری بەڕێوەبەری گشتی پێشووی بانکی زیراتی تورکیا  لە هەژماری تایبەتی خۆی  پێشبینییەکانی 11 بانک و ریکخراوی ئابوری بۆ بەهای لیرە بڵاو کردوەتەوە دەڵێت، بەهای یەک دۆلار لە کۆتایی ساڵدا لە نێوان 37 لیرە تا 45 لیرەی سوری دەبێت. 

ئەوەشی ئاشکراکردوە، لە کۆی 11 بانک حەوتیان پێشبینیان کردوە بەهای لیرە بگاتە سەروی 42 لیرە.