بە درۆن هێرش بۆسەر کێڵگەى کۆرمۆر ئەنجامدرا و تا ئێستاش درۆن بە ئاسمانى ناوچەکە دەسوڕێتەوە، قائیمقامى چەمچەماڵیش دەڵێت: هێرشەکە زیانى گیانیی نەبوە.

هەواڵ:KNNC

رەمک رەمەزان، قائیمقامى چەمچەماڵ بە کەى ئێن ئێن،ى راگەیاند؛ کاتژمێر 7:00 بۆ 7:15 خولەک بە درۆن هێرشکراوەتەسەر کێڵگەى غازى کۆرمۆر.

ئاماژەى بۆ ئەوەشکرد کە هێرشەکە هیچ زیانێکى گیانیی نەبوە  و تەنها زیانەکان ماددین، بەڵام تا ئێستا قەبارەى زیانەکە دیارنییە و هەر ئەو شوێنەش بەئامانجگیراوە کە جارى پێشو بەئامانجگیرا و شوێنێکى هاوشێوەى شوێنى حەوانەوەیە.

ئەوەشى خستەڕو کە هێرشەکە هیچ کاریگەرییەکى لەسەر بەرهەمهێنانى غاز نییە و هێزەکانى پاراستنى کێڵگەکەش بەرپەرچى درۆنەکان دەدەنەوە.

قائیمقامى چەمچەماڵ ئاشکرایکرد کە تا ئێستاش نازانرێت لایەنى هێرشکار بۆسەر کێڵگەکە کێ بوە.