ئەندامێکى ئەنجومەنى نوێنەرانى عێراق رایگەیاند؛ بە بەشدارى 176 ئەندامى ئەنجومەنى نوێنەرانى عێراق کۆبونەوەى ئەنجومەنەکە دەستیپێکرد و هەموارى یەکەمى یاساى بودجە پەسەندکرا، بەوپێیەش هەناردەى نەوتى هەرێم دەستپێدەکاتەوە.

هەواڵ:KNNC

د. بڕیار رەشید، ئەندامى ئەنجومەنى نوێنەرانى عێراق بە کەى ئێن ئێن،ى راگەیاند؛ دەنگمان بە هەموارى یەکەکى یاساى بودجە داوە و رونیکردەوە کە بەپێی یاساکە هەناردەکردنەوەى نەوتى هەرێم لەڕێی سۆمۆوە دەستپێدەکاتەوە.

ئەوەشى ئاشکرا کرد کە بەپێی هەموارى یاساکە، نرخى دەرهێنان و گواستنەوەى هەر بەرمیلێک نەوتى بەرێم بە 16 دۆلار دیاریکراوە بۆ ماوەى 60 رۆژ.

ئەوەشى رونکردەوە کە لایەنى راوێژکاریی تایبەتمەندى نێوەدەوڵەتى لەماوەى 60 رۆژدا نرخى دەرهێنان و گواستنەوەى بەرمیلێک نەوت لە هەر کێڵگەیەک بە جیا دیاریدەکات.