سەرۆکی لوبنان رایدەگەیەنێت: گەندەڵی لە وڵاتەكەیدا بوە بەکولتور و تەنها "لێپرسنەوە" دەتوانێت گەندەڵكاران رابگرێت، ئاشكراشیكرد كە؛ وڵاتەكەی مایەپوچ نییە، بەڵکو تاڵانکراوە.


هەواڵ: (KNNC)


جۆزێف عەون، سەرۆکی لوبنان رایگەیاند: دوای دەستبەكاربونی وەك سەرۆكی ئەو وڵاتە خەمی سەرەکیی بوە بە بەرەنگاربونەوەی گەندەڵیی کە كاری ئیدارەکانی پەكخستوە و لە ئێستادا بوەتە کولتور، كە تەنها لێپرسینەوە دەتوانێت رێگری لێبكات، بۆیە كار بۆ كەمكدنەوە و بنەبڕكردنی دەكەن.


وتیشی: لوبنان مایەپوچ نەبوە، بەڵکو لەلایەن ژمارەیەك گەندەڵكاری گەورەوە تاڵانکراوە و سامان گشتی بەویستی خۆیان و بۆ بەرژەوەندی خۆیان بەكاردەهێنن، بۆ روبەڕوبونەوەشیان بەپشتیوانی رێكخراوە ناوخۆییەكان و جیهانییەكان لە سەرۆكی دەوڵەتەوە بەرەنگاریان دەبنەوە.


سەرۆکی لوبنان ئاماژەی بەوەشکرد؛ دەسەڵاتی جێبەجیكردن بەپێی یاسا و بڕگەكانی بەرەنگابونەوەی گەندەڵی ئەركەكانی خۆی جێبەجێ دەكات و بۆ روبەڕوبونەوەشیان بە دەسەڵاتی دادوەری و لێپرسینەوە گەندەڵكارەكان دەباتە بەردەم دادگا.