وەزارەتی دەرەوەی ئەمەریکا ئاشکرایکرد، بەڕێژەی %92 هاوکارییە دەرەکییەکانی بۆ پڕۆگرامەکانی هاوکاری و پەرەپێدان کەمکردوەتەوە.

هەواڵ:KNNC


لە چوارچێوەی کەمکردنەوەی هاوکارییەکان وەزارەتی دەرەوەی ئەمەریکا، هاوکارییەکانی بۆ پڕۆگرامی هاوکاریی و پەرەپێدانى بۆ پێنج هەزار و 800 دامەزراوە و وڵات و ناوچە راگرتوە.

ئاماژە بەوەشکراوە، کەمکردنەوەی هاوکاریییەکان بە ڕێژەی %92  بوە کە دەگاتە 54 ملیار دۆلار لە بودجەی ئاژانسی گەشەپێدانی نێودەوڵەتیی وڵاتەکە و لەلایەن مارکۆ رۆبیۆ، وەزیری دەرەوەی ئەمەریکا رەزامەندی لەسەر دراوە.

مارکۆ رۆبیۆ، لە پێشوتردا چوار هەزار و 100 هاوکاری وەزارەتی دەرەوەی هەڵوەشاند بوە و تەنها دو هەزار 700 هاوکاری هێشتبوەوە.

لە رۆژی 20ی مانگی رابردو دۆناڵد ترەمپ، سەرۆکی ئەمەریکا، بڕیارێکى واژۆکرد بە راگرتنی هاوکارییەکانی وڵاتەکە بۆ ماوەی 90 رۆژ تا پێداچونەوە بە خەرجییەکاندا بکرێت.