بەهۆی جەنگی نێوان بزوتنەوەی حەماس و ئیسرائیل نزیكەی (55) ملیۆن تۆن لە داروپەردوی
باڵەخانە روخاوەكانی كەرتی غەززە بون بە پاشماوە.
هەواڵ: (KNNC)
شارەوانیی کەرتی غەززە رایگەیاند: سەرباری كارەساتێكی گەورەی مرۆیی و گیان
لە دەستدان و برینداربونی ژماریەكی زۆر لە فەلەستینییەكان، بەهۆی جەنگی نێوان
بزوتنەوەی حەماس و ئیسرائیل كە ماوەی (15) مانگ بەردەوام بو، كاولكارییەكی زۆر
رویداوە و نزیكەی (55) ملیۆن تۆن داروپەردوی باڵەخانە روخاوەكان بون بە پاشماوەی جەنگەكە.
وتوشیەتی: بۆ پاككردنەوەی شەقام و گەڕەكەكان و گواستنەوەی پاشماوەی
جەنگەكە، شارەوانییەکانی سەرجەم شار و شارۆچكەكانی كەرتی غەززە بە هۆی کەمی و
نەبونی کەرەستەكانەوە روبەڕوی گرفتی گەورە بونەتەوە كە ئەوەش كاریگەری لەسەر
كارەكانیان هەیە.
شارەوانیی کەرتی غەززە ئاماژەی بۆ ئەوەشكردوە، بۆ گەڕاندنەوەی ژیان و
نۆژەنكردنەوەی ژێرخان دامەزراوە خزمەتگوزارییەکان و ئاوەدانەوەی شارەكانیان، داوای
دابینکردنی کەرەستەی بیناسازییان کردوە.
90 جار خوێندراوەتەوە