بانکی رافیدەینی عێراقی هۆشداری دەدات لە بەکارهێنانی ئامرازەکانی پارەدانی ئەلیکترۆنی بۆ بازرگانیکردن بە دراوە دیجیتاڵییەکان.

ئابوری:KNNC

بەگوێرەی رێنماییەکانی بانکی ناوەندی عێراق، بانکی رافیدەین داوا دەکات هاوڵاتییان خۆیان دوربگرن لە بەکارهێنانی ئامرازەکانی پارەدانی ئەلیکترۆنی، لەوانە کارت، جزدانی ئەلیکترۆنی، لە بازرگانیکردن بە دراوی دیجیتاڵی یان چالاکی فۆڕێکس، چ بۆ هەژماری تایبەتی خۆیان یان هەژماری کەسانی دیکە، بەشێوەی راستەوخۆ یان ناڕاستەوخۆ.

بانکەکە جەخت لەسەر گرنگ و وریایی و مامەڵەنەکردن لەگەڵ ئەو لایەنە بێ مۆڵەتانە دەکاتەوە کە بازرگانی بە دراوە ئەلیکترۆنییەکان دەکات، بەلەبەرچاوگرتنی ئەو مەترسییە دارایی و یاساییە بەرچاوانەی کە بەدوای خۆیاندا دێنن، چونکە رەنگە ببێتەهۆی لەدەستدانی پارە یان بەرکەوتنی رێکاری یاسایی.

بانکەکە دەڵێت: ئەم هۆشدارییە لەچوارچێوەی پەرۆشییە بۆ پاراستنی بەرژەوەندی هاوڵاتییان و مامەڵە داراییەکان.