کەشناسی هەرێم رایگەیاند، ئەمڕۆ بارانبارین لە زۆربەی ناوچەکان بەردەوام دەبێت و سبەینێش لە هەندێک شوێن بارانی لێزمە دەبارێت.

هەواڵ:KNNC

بەڕێوەبەرایەتی گشتی کەشناست و بومەلەرزەزانی هەرێم رایگەیاند، ئەمڕۆ ئاسمان هەوری باراناوی دەبێت لە زۆربەی کاتەکان، رێژەی دابارین لە پارێزگاکانی سلێمانی و هەڵەبجە و ئیدارەی گەرمیان زیاترە بەراورد بە ناوچەکانی دیکەی هەرێم.

پلەکانی گەرما، بە نزیکەی دوو تا چوار پلە نزمتر دەبێت بەراورد بە دوێنی.

سەبارەت بە کەشی سبەینێ یەکشەممە کەشناسی هەرێم پێشبینی دەکات، ئاسمان هەوری تەواوبێت لەگەڵ بارانبارین لە هەندێک کات و شوێن، لەکاتەکانی ئێوارە هەندێک جار بارانبارین بەشێوەی لێزمە دەبێت.

بەرزترین پلەکانی گەرمای پێشبینیکراو بە پلەی سیلیزی:

هەولێر : 19 پلەی سیلیزی
سلێمانی : 16 پلەی سیلیزی
دهۆک : 18  پلەی سیلیزی
کەرکوک : 20 پلەی سیلیزی 
زاخۆ  : 18 پلەی سیلیزی
هەڵەبجە : 16 پلەی سیلیزی
سۆران : 17 پلەی سیلیزی
حاجی ئۆمەران : 3 پلەی سیلیزی
گەرمیان : 20 پلەی سیلیزی