وتەبێژی وەزارەتی بەرگری سوریا دەڵێت: بەردەوامن لە بەدواداچون بۆ پاشماوەکانی رژێمی ئەسەد و هاوڵاتیان دڵنیا دەكەنەوە كە دۆخەکە لە ژێر کۆنترۆڵی تەواوەتیدایە.

هەواڵ: (KNNC)

ئێوارەی ئەمڕۆ شەممە، رائیدی سەربازی حەسەن عەبدولغەنی وتەبێژی وەزارەتی بەرگری سوریا رایگەیاند: بەپێی ئەو پلانەی لەلایەن فەرماندە سەربازییەكانیانەوە بۆ بەدواداچون و دۆزینەوەی پاشماوەی رژێمی پێشوی بەشار ئەسەد داڕێژراوە، لە ئۆپەراسیۆنەكانیان بەردەوامن.


وتیشی: ئەو کەسانە کە هاتونەتە کەناراوەکان بگەڕێنەوە بۆ ناوچەکانی خۆیان، لەبەر ئەوەی دۆخەکە بەتەواوی کۆنترۆڵکراوە و هیچ مەترسییەك نەماوە، داواكراوان گەمارۆدراون و ئەو كەسانەشی دەستگیركراون رادەستی هێزە ئەمنییەكانیان دەكەن.

وتەبێژی وەزارەتی بەرگری سوریا، ئاماژەی بۆ ئەشكرد، لە دۆزینەوە و راوەدونانی پاشماوەكانی رژێمی پێشوی بەشار ئەسەد هێزەکانیان پێشکەوتنی خێرا بەدەستدەهێنن و هەمو ئەوكەسانە دەستگیر دەكرێن روبەڕوی یاسای وڵاتیان دەكەنەوە.