دۆناڵد ترەمپ ئاشکرایدەکات کە وەک پشتگیرییەک بۆ هاوکارییەکانى لە "بەهێزکردنەوەى ئەمەریکا" و وەک وەڵامێکیش بۆ دژایەتییەکان، ئۆتۆمبێلى جۆرى تێسلا دەکڕێت و پشتگیریی مەسک دەکات.


هەواڵ:KNNC

سەرۆکى ئەمەریکا لە لاپەڕەى تایبەتى خۆى لە تۆڕى کۆمەڵایەتیی تروس، بڵاویکردەوە؛ کۆمارییەکان و پارێزکارەکان بەیەکەوە هاوڕان کە ئیلۆن مەسک تا سەر لێوار رۆیشتوە بۆ هاوکاریکردنى گەلەکەمان و ئەو هەر بەڕاست کارێکى زۆر نایاب دەکات.

ئاماژەى بۆ ئەوەکردوە کە سەربارى ئەم هاوکارییانەى مەسک، بەڵام چەپڕەوە توندڕەوەکانى ئەمەریکا هەوڵدەدەن بەشێوەیەکى نایاسایی بایکۆتى تێسلا بکەن کە یەکێکە لە گەورەترین و باشترین کۆمپانیاکانى دروستکردنى ئۆتۆمبێل تا لەوڕێیەوە هێرشبکەنەسەر مەسک و زیانى پێبگەیەنن.

جەختیش دەکاتەوە کە سبەینێ یەکەم کارى کڕینى ئۆتۆمبێلێکى تێسلا دەبێت تا لەوڕێیەوە پشتگیریی و پشتیوانى خۆى بۆ ئیلۆن مەسک دوپات بکاتەوە.

ترەمپ دەشپرسێت؛ بۆچى دەبێت سزاى مەسک بدرێت سەربارى ئەو کارە گەورانەى کردى تا جارێکى دیکە ئەمەریکا بەهێز بکرێتەوە؟.