سوپای ئەمەریکا،
پێگەکانی حوسییەکانیان لە شەش پارێزگای یەمەن کردە ئامانج، بەپێی ئامارەکان نزیکەی
31 کەس کوژراون و 101 کەسیش برینداربون.
هەواڵ:KNNC
ئاژانسی هەواڵی ڕۆیتەرز
لە زاری دوو شایەتحاڵی ئەو ناوچەیە بڵاویکردەوە، هێرشە ئاسمانییەکان شوێنە سەربازییەکانی
حوسییەکانیان لە شاری تائیز لە باشووری ڕۆژئاوای یەمەن کردۆتە ئامانج.
هاوکات، سوپای ئەمەریکا شوێنەکانی هەڵگرتنی چەک و ناوەندەکانی کۆنتڕۆڵکردنی
حوسییەکانیان کردوەتە ئامانج، هەروەها بەهۆی بۆردومانی فڕۆکەکانەوە وێستگەی کارەبا
لەکارکەوتەوە و لە شاری دەهیان و دەوروبەری شارەکە هێڵەکانی کارەبا پچڕاون.
هەربەپێی میدیاکانی نزیک لە حوسییەکان، لەو هێرشە ئاسمانییانەی ئەمەریکادا 31
کەس کوژراون و 101 کەسیش برینداربون.
رۆژی شەممە، 15ـی ئاداری 2025، دۆناڵد ترەمپ، سەرۆکی ئەمەریکا، فەرمانی هێرشێکی بەرفراوانی بۆ سەر حووسییەکان کرد،دوای هێرشەکە، ترەمپ لە پەیامێکدا هۆشداری دایە ئێران و داوای کرد، هێرشی حوسییەکان بە زووترین کات رابگرێت و وتی: ئەگەر ئێران هەڕەشە بۆ ئەمریکا دروست بکات، ئەوا ئەمریکا بە بەرپرسیارتان دەزانێت و نەرم و نیانیش نابێت.
91 جار خوێندراوەتەوە