وەزیری دەرەوەی ئێران بە توندی وەڵامی دۆناڵد ترەمپى دایەوە، رایگەیاند، ئەمەریکا دەسەڵاتی دیاریکردنی سیاسەتی ئێرانی نییە، داواش دەکات هێرشەکانی ئەمریکا  لە یەمەن بە زوترین کات رابگیرێت.

هەواڵ:KNNC

دوای ئەوەی دۆناڵد ترەمپ بە فەرمی ڕایگەیاند دەبێت ئێران پاڵپشتییەکانی بۆ حوسییەکان ڕابگرێت، عەباس عێراقچی، وەزیری دەرەوەی ئێران لە هەژماری خۆی لە تۆری کۆمەڵایەتی ئێکس لە پەیامێکدا رایگەیاند، ئەمریکا ماف و دەسەڵاتی ئەوەی نییە سیاسەتی دەرەوەی ئێران دەستنیشان بکات، دەشڵێت: تاران سەربەخۆیە و بۆخۆی سیاسەتەکانی بەڕێوەدەبات.

وەزیری دەرەوەی ئێران، لە بەشێکی دیکەی پەیامەکەیدا داوای کرد بە زوترین کات کوشتنی گەلی یەمەن لەلایەن ئەمریکاوە کۆتایی پێبێت.

قسەکانی وەزیری دەرەوەی ئێران دوای پەیامێکی دۆناڵد ترامپ سەرۆکی ئەمریکا هات کە تێیدا  فەرمانی بە تاران کرد دەستبەجێ پشتیوانیەکانی لە حوسییەکانی یەمەن ڕابگرێت.