بزوتنەوەى حەمماس،
سەرۆک وەزیرانى ئیسرائیل تۆمەتبار دەکات کە شەڕى غەززە وەک بەلەمێکى رزگارکەر لە
قەیرانە سیاسییە ناوخۆییەکان بەکارهێناوە تەنانەت ئەگەر ئەوە بەو مانایە بێت کە
ژیانى بارمتەکانى بخانە مەترسییەوە کە تا ئێستا لە غەززەن.
هەواڵ:KNNC
بزوتنەوەکە لە
راگەیەنراوێکدا دەڵێت: دەستپێکردنەوەى هێرشەکانى ئیسرائیل بۆسەر کەرتى غەزز
دەرکردنى سزاى سێدارەیە بۆ بارمتەکان و جەختیش کراوەتەوە کە ئەم هێرشانە لەلایەن
نەتەنیاهۆوە وەک بەلەمى رزگارکەر لە قەیرانە ناوخۆییەکان بەکاردێت.
ئەوەشهاتوە کە دەبێت نەتەنیاهۆ تەواوى
بەرپرسیارێتیی لێکەوتەکانى ئەم هێرشانە لە ئەستۆ بگرێت کە دژى هاوڵاتییانى مەدەنى
غەززە ئەنجامى دەدات.
بزوتنەوەى حەمماس لە بەیاننامەکەیدا داواش لە
نێوەندگیران دەکات بەرپرسیارێتى شکاندنى ئاگربەست بخەنە ئەستۆى سەرۆک وەزیرانى
ئیسرائیل و داواش لە نەتەوەیەکگرتوەکان و ئەنجومەنى ئاسایشى نێوەدەوڵەتیش دەکات
ئیسرائیل پابەند بە بڕیارى کشانەوەى تەواوەتیی لە کەرتى غەززە بکات.
599 جار خوێندراوەتەوە