حوسییەکانی یەمەن، کەشتییەکی
فڕۆکەهەڵگری ئەمەریکایان لە دەریای سور بۆردومانکرد، لەماوەی 72 کاتژمێردا ئەمە
چوارەم هێرشی لەوجۆرەیە بۆسەر ئەمەریکا.
هەواڵ:KNNC
یەحیا سەریع، وتەبێژی حوسییەکان
لە بەیاننامەیەکدا رایگەیاندوە، جوڵەی سەربازی دوژمنکارانەیان لە دەریای سور
دەستنیشانکردوە، ئەوەش ئامادەکارییەک بۆ دەستپێکردنی هێرشێکی بەرفراوان بۆسەر
یەمەن.
ئاماژەی بەوەشکردوە،
چەکدارە حوسییەکان بە ژمارەیەک موشەکی کروز و فڕۆکەی بێفڕۆکەوان هێرشیانکردوەتەسەر
کەشتیی فڕۆکە هەڵگری ئەمەریکی (یو ئێس هاری ترومان) و ژمارەیەک کەشتی جەنگییان
کردوەتە ئامانج و چەند هێرشێکیشیان پوچەڵکردوەتەوە.
ئاشکراشیکردوە،
لەماوەی 72 کاتژمێردا بۆجاری چوارەم کەشتییە فڕۆکە هەڵگرەکەی ئەمەریکایان بە
ئامانج گرتوە.
لە کۆتایی هەفتەی ڕابردوەوە
واشنتۆن هەڵمەتێکی ئاسمانی دژی حوسییەکان ئەنجامداوە و لە ئەنجامدا ڕۆژی شەممە 53
کەس گیانیان لەدەستداوە و 98 کەسی دیکەش برینداربون، دواتر حوسییەکان رایانگەیاند،
وەڵامی هێرشەکەیان داوەتەوە.
407 جار خوێندراوەتەوە