هاتوچۆی ئێران ڕایگەیاند، لە نەورۆزدا زیاتر لە 21 هەزار ڕوداوی هاتوچۆ ڕویانداوە و 370  کەس بەهۆی ڕوداوەکانی هاتوچۆ گیانیان لەدەستداوە.

هەواڵ:KNNC

حەسەن مۆئمەنی، جێگری بەڕێوەبەری پۆلیسی هاتوچۆی ئێران بە میدیاکانی ڕاگەیاند، لە ماوەی شەش ڕۆژدا واتە لە 15ی ئازار تاوەکو 21ی ئازار لانیکەم 370 کەس بە ڕوداوی هاتوچۆ گیانیان لەدەستداوە و زیاتر لە 21 هەزار کەسیش بریندرابون.

 ئاشکراشیکرد، تەنها لە شەوی نەورۆزدا دو هەزار و 690 ڕوداوی هاتوچۆدا ڕویداوە کە بەهۆیانەوە 21 کەس گیانیان لەدەستداوە و 695 کەسیش برینداربون، دەشڵێت: ئەو ئامارە بەراوەرد بە ساڵی ڕابردو 6% زیادی کردوە.

ئەوەش لە کاتێکدایە بە گوێرەی ئاماری پۆلیسی هاتوچۆی ئێران لە ماوەی ساڵی رابردو لانیکەم 28 هەزار کەس بە هۆی روداوی هاتوچۆ لە ئێران گیانیان لەدەستداوە.

خراپی ڕێگاوبان و نزمی کوالێتی ئۆتۆمبیل بە دوو هۆکاری سەرەکی روداوەکانی هاتوچۆ لە ئێران ئەژماردەکرێن.